In Iarthuaisceart Thír Chonaill síneann rannaigh ársa amach idir Gaoth na Bráda agus Gaoth Dobhair, mar atá, Rann na Feirste. Tá pobal de bhreis agus 500 duine ar an bhaile seo sa lá atá inniu ann.
Tá sé de chlú ar Rann na Feirste gurb áit í a bhfuil an traidisiún béil go láidir tréan inti. Is léir ón traidisiún scéalaíochta atá a chleachtadh sa cheantar ó rinneadh cónaí buan ann go raibh agus go bhfuil ard chéimíocht bainte amach ag an scéalaíocht i dtraidisiún béil sa réigiún agus sa tír. Ar an ábhar sin, tá clú ar leith ar Rann na Feirste ó thaobh a cuid saibhris agus oidhreacht Ghaeilge de, meallann seo cuid mhóir scoláirí Samhraidh chun na háite gach bliain.
|